पोखरा, १७ असार। प्रजातन्त्रका सेनानी, ज्येष्ठ पत्रकार एवं प्रेस स्वतन्त्रताका धरोहर केशवराज पराजुलीकाे निधन भएकाे छ ।
बुबा तुलसीप्रसाद पराजुली र आमा पवित्रा पराजुलीका सुपुत्र (तथा ‘हिमदूत’ पत्रिकाका प्रकाशक) को २०८३ साल असार १६ गते ९१ वर्षको उमेरमा निधन भएको हाे। वि.सं. १९९२ साल मंसिर १६ गते जन्मिनुभएका उहाँको मंगलबार राति स्वर्गवास भएको हो।
नेपाली पत्रकारिता र लोकतान्त्रिक आन्दोलनमा योगदान
दिवंगत पराजुली गण्डकी क्षेत्रकै पत्रकारिताका धरोहर र प्रवर्द्धक हुनुहुन्थ्यो। उहाँको मुख्य योगदानहरू :
- पत्रकारिता र प्रेस स्वतन्त्रता: उहाँले गण्डकी क्षेत्रमा ‘हिमदूत’ पत्रिकाको प्रकाशन सुरु गरेर मोफसलको पत्रकारितामा ऐतिहासिक इँटा थप्नुभएको थियो। उहाँलाई गण्डकी क्षेत्रकै अग्रज पत्रकार तथा पश्चिम नेपालमा पत्रकारिताको विकास गर्ने मुख्य व्यक्तिका रूपमा चिनिन्छ।
- प्रजातन्त्र र जेल जीवन: लोकतान्त्रिक आन्दोलनका अगुवा रहनुभएका उहाँले देशमा प्रजातन्त्र स्थापना र पुनर्स्थापनाका लागि भएका आन्दोलनहरूमा सक्रिय सहभागिता जनाउनुभएको थियो। सो क्रममा उहाँ पटक-पटक जेल समेत पर्नुभएको थियो।
- शिक्षण र सामाजिक क्षेत्र: पत्रकारिताका साथै उहाँले लामो समयसम्म शिक्षण पेशामा आवद्ध रहेर शिक्षा क्षेत्रमा ठूलो योगदान पुर्याउनुभएको थियो।
- सम्मान: उहाँको योगदानको कदर गर्दै पोखरा महानगरपालिका तथा विभिन्न संघसंस्थाहरूबाट उहाँलाई प्रतिष्ठित ‘पोखेली नवरत्न सम्मान’ द्वारा सम्मानित गरिएको थियो।
पारिवारिक पृष्ठभूमि
उहाँको श्रीमती लक्ष्मी पराजुली हुनुहुन्छ। उहाँका परिवारमा:
- छोरा/बुहारी: लाेकरञ्जन र रञ्जु पराजुली
- छोरी/ज्वाइँहरू: रमा र प्रत्युस वन्त, डा. क्षमा र डा. हरिप्रसाद पौडेल, सिमा र श्रीराम अधिकारी तथा ईश्वरी खिमप्रकाश मल्ल हुनुहुन्छ ।
- नाति/नातिनी: ९ जना रहेका छन् ।
अग्रज पत्रकार एवं लोकतन्त्रका सेनानीको यस दुःखद निधनप्रति विभिन्न सञ्चार सम्बद्ध संघसंस्था तथा राजनीतिक दलहरूले गहिरो दुःख व्यक्त गर्दै भावपूर्ण श्रद्धाञ्जली अर्पण गरेका छन्।
उहाँकाे पार्थिव शरिरकाे बुधबार नदीपुर ३ स्थित तुलसीघाट अन्तिम सँस्कार सम्पन्न गरिएकाे छ । उहाँकाे पार्थिव शरिरमा छाेरा लाेरञ्जनले दागबत्ति दिनुभएकाे थियाे ।
साे अवसरमा नेपाली कांग्रेस गण्डकीका सभापति शुक्रराज शर्मा, नेता साेभियत बहादुर अधिकारी, शारदा पाैडेल लगायतले नेपाली कांग्रेस पार्टीकाे झण्डा ओढाएर श्रद्धाञ्जली अर्पण गर्नुभएको थियो ।
