रोल्पा, २८ साउन। अविरल वर्षासँगै आएको भीषण पहिरोले घर र गोठ पुर्दा रोल्पाको थबाङमा ठूलो जनधनको क्षति भएको छ। थबाङ गाउँपालिका–५ कोटलबारामा गएको पहिरोमा परी ३ जनाको ज्यान गएको छ भने २ जना घाइते र ९ जना बेपत्ता भएका छन्।
प्रहरीका अनुसार पहिरोमा पुरिएर मृत्यु हुनेहरूमा स्थानीय १८ वर्षीया शान्ती पुन मगर, ६० वर्षीय कमलबहादुर पुन मगर र ७१ वर्षीया मनरखी पुन मगर रहेका छन्।
दुर्घटनामा परी घाइते भएका २२ वर्षीय हिमाल पुन मगर र २५ वर्षीय सञ्जय घर्ती मगरको स्थानीय स्वास्थ्य संस्थामा उपचार भइरहेको छ।
पहिरोमा परी थप ९ जना बेपत्ता भएका छन्। बेपत्ता हुनेहरूमा:
-
४० वर्षीया जुनकुमारी पुन मगर
-
९ वर्षीय अशिम पुन मगर
-
६ वर्षीय अशोक पुन मगर
-
७५ वर्षीय डलबहादुर पुन मगर
-
८० वर्षीय अजम्बर पुन मगर
-
७८ वर्षीय बलबहादुर पुन मगर
-
७२ वर्षीय लिलबहादुर पुन मगर
-
७१ वर्षीया मनि पुन मगर
-
६७ वर्षीया हस्तकला रोका मगर
घटनास्थलमा स्थानीय र प्रहरी टोलीद्वारा बेपत्ताहरूको खोजी तथा उद्धार कार्य निरन्तर जारी राखिएको छ।
