काठमाडौं, १८ असार । फिफा विश्वकप २०२६ को आयोजक राष्ट्र संयुक्त राज्य अमेरिका प्रतियोगिताको अन्तिम १६ (राउन्ड अफ १६) मा प्रवेश गरेको छ।
क्यालिफोर्नियास्थित सान फ्रान्सिस्को बे एरिया स्टेडियममा आज सम्पन्न रोमाञ्चक र तनावपूर्ण खेलमा बोस्निया एन्ड हेर्जगोभिनालाई २–० ले पराजित गर्दै अमेरिकाले अघिल्लो चरणको यात्रा तय गरेको हो।
१० खेलाडीमा समेटिएर पनि अमेरिकाको उत्कृष्ट जित खेलको दोस्रो हाफको महत्वपूर्ण समयमा स्टार स्ट्राइकर फोलाारिन बालोगुनले रातो कार्ड पाएर मैदान छाडेपछि अमेरिका १० खेलाडीमा समेटिएको थियो। तर, घरेलु टोलीले उत्कृष्ट डिफेन्स र घातक काउन्टर अट्याकको मद्दतले खेल आफ्नो पक्षमा पार्न सफल भयो।
खेलको मुख्य घटनाक्रम:
- ३२औँ मिनेट: बालोगुनको एउटा गोल अफसाइड घोषित भएको थियो।
- पहिलो हाफको अन्तिम मिनेट: डिबक्स भित्र बोस्नियाली डिफेन्सको गल्तीको फाइदा उठाउँदै फोलारिन बालोगुनले उत्कृष्ट गोल गरी अमेरिकालाई सुरुवाती अग्रता दिलाए।
- ६४औँ मिनेट: गोलकर्ता बालोगुन एक फाउलका कारण भीएआर (VAR) को रिभ्युपछि सिधै रातो कार्ड खाँदै मैदानबाट बाहिरिएपछि घरेलु टोली केही दबाबमा आएको थियो।
- ८२औँ मिनेट: बोस्नियाले एक खेलाडी बढी भएको फाइदा उठाउँदै बराबरीका लागि निरन्तर आक्रमण गरिरहेको समयमा अमेरिकाले उत्कृष्ट काउन्टर प्रहार गर्यो। मिडफिल्डर मलिक तिलम्यानले सानदार गोल गर्दै टोलीको जित र अन्तिम १६ को यात्रा सुनिश्चित गरे।
क्वाटरफाइनलका लागि बेल्जियमको चुनौती
राउन्ड अफ १६ मा प्रवेश गरेको अमेरिकाले अब क्वाटरफाइनल प्रवेशका लागि बलियो टोली बेल्जियमको सामना गर्नेछ। बेल्जियमले यसअघि नै सेनेगललाई अतिरिक्त समयको रोमाञ्चक खेलमा ३–२ ले हराएर अन्तिम १६ मा आफ्नो स्थान सुरक्षित गरिसकेको छ।
