अशोका कलेजमा केयुकाे BIT कार्यक्रम सञ्चालन, प्रवेश परीक्षामा ३०० विद्यार्थी सहभागि

पोखरा, १० साउन । पोखरास्थित सिर्जना चोकमा रहेको अशोका कलेज अफ इन्जिनियरिङ एन्ड म्यानेजमेन्टले काठमाडौँ विश्वविद्यालय (KU) बाट ४ वर्षे ब्याचलर अफ इन्फर्मेसन टेक्नोलोजी (BIT) कार्यक्रम सञ्चालनका लागि आधिकारिक सम्बन्धन प्राप्त गरेको छ। कलेज सञ्चालक समितिका अध्यक्ष इन्जिनियर श्रीराम पाण्डेको अध्यक्षतामा आयोजित विशेष कार्यक्रममा सम्बन्धन तथा प्रवेश परीक्षा सम्बन्धी जानकारी सार्वजनिक गराइएको हो। कार्यक्रममा बोल्दै अध्यक्ष इन्जिनियर श्रीराम पाण्डेले गण्डकी प्रदेशमै सूचना प्रविधि (IT) शिक्षालाई आधुनिक र व्यावहारिक बनाउन कलेज प्रतिबद्ध रहेको बताए। उनले भने, “हामीले विद्यार्थीलाई केवल सैद्धान्तिक ज्ञानमा सीमित नराखी अध्ययनकै क्रममा आत्मनिर्भर बनाउने उद्देश्यले नेपालमै पहिलोपटक ‘सिक्दै कमाउँदै’ (Learn & Earn) मोडल लागू गरेका छौँ। यसले हाम्रा विद्यार्थीलाई स्नातक तह पूरा गर्दासम्म काठमाडौँ विश्वविद्यालयको प्रतिष्ठित डिग्रीका साथै ४ वर्षको वास्तविक कार्यअनुभव हासिल गर्न मद्दत पुर्‍याउनेछ।”

प्रवेश परीक्षामा उत्साहजनक सहभागिता

यसै ऐतिहासिक अवसरमा जुलाई २५ र २६ (साउन ९ र १० गते) काठमाडौँ विश्वविद्यालय कमन एडमिसन टेस्ट (KUCAT) सफलतापूर्वक सम्पन्न भएको छ। पोखरास्थित परीक्षा केन्द्रमा करिब ३०० जना प्रतिभाशाली विद्यार्थीहरू सहभागी भएका थिए।

नेपालमै पहिलोपटक “सिक्दै कमाउँदै” (Learn & Earn) मोडल

अशोक कलेजले आफ्ना आईटी, हाइड्रोपावर, खाद्यान्न तथा इन्जिनियरिङ क्षेत्रका भगिनी संस्थाहरू (Sister Concern Industries) सँगको सहकार्यमा “सिक्दै कमाउँदै” मोडल सार्वजनिक गरेको छ। यस मोडलका मुख्य विशेषताहरू:

• पार्ट-टाइम रोजगारी: अध्ययनकै क्रममा कलेजका साझेदार उद्योगहरूमा पारिश्रमिकसहित काम गर्ने अवसर।
• आर्थिक आत्मनिर्भरता: मासिक भत्ता (Stipend) वा आम्दानीमार्फत पढाइ र व्यक्तिगत खर्च आफैँ जुटाउन सकिने।
• इन्क्युबेशन र स्टार्टअप: नयाँ सफ्टवेयर प्रोजेक्ट र टेक-स्टार्टअपका लागि विशेष ‘Startup Cell’ र मेन्टरसिपको व्यवस्था।
• दोहोरो फाइदा: KU को degree र ४ वर्षको वास्तविक work experience एकैसाथ प्राप्त हुने।

आधुनिक पाठ्यक्रम र महत्त्वपूर्ण मितिहरू

कलेजका अनुसार ४ वर्षे BIT पाठ्यक्रममा आर्टिफिसियल इन्टेलिजेन्स (AI), मेसिन लर्निङ, आधुनिक प्रोग्रामिङ, सफ्टवेयर डेभलपमेन्ट, नेटवर्क सेक्युरिटी, साइबर सुरक्षा, डाटाबेस सिस्टम र क्लाउड कम्प्युटिङ जस्ता आधुनिक विषयहरू समावेश गरिएका छन्।

• भर्ना सुरुवात: अगस्ट ४, २०२६ देखि
• सिट क्षमता: ३० जना मात्र (सीमित सिट)
• कक्षा सञ्चालन: अगस्ट २५, २०२६ देखि
• योग्यता: KUCAT प्रवेश परीक्षामा सहभागी भएका वा योग्य ठहरिएका विद्यार्थीहरू

इच्छुक विद्यार्थी तथा अभिभावकहरूले सिर्जना चोकस्थित कलेजको प्रशासनिक कार्यालय वा ल्यान्डलाइन ०६१-४५०७९५, मोबाइल ९८५६०८१५४०/९८०२८५६५५४ एवं वेबसाइट www.ashoka.edu.np मार्फत सम्पर्क गर्न सक्ने कलेजले जनाएको छ।