सुनमा रु १७ सयले गिरावट, चाँदीकाे भाउ पनि घट्याे

काठमाडौं, ९ असोज । साताकाे सुनचाँदीकाे काराेबार हुने पाँचाै बिहिबार नेपाली बजारमा सुनाचँदीकाे भाउमा भारि गिरावट भएकाे छ । सुनमा रुपैयाँ १७ सयले गिरावट भएकाे छ । चाँदीमा रुपैयाँ १५ ले घटेकाे छ ।

नेपाल सुनचाँदी व्यवसायी महासंघले बिहिबार छापावाल सुन प्रतितोला दुई लाख २१ हजार ३०० रुपैयाँमा कारोबार भइरहेको जनाएकाे छ । यसअघी बुधबार छापावाला सुन प्रतितोला दुई लाख २३ हजार रुपैयाँमा कारोबार भएको थियो ।

आज चाँदी तोलामा १५ रुपैयाँले घटेको छ । बिहीबार चाँदी तोलाको २ हजार ६८५ रुपैयाँमा कारोबार भइरहेको छ । बुधबार चाँदी दुई हजार ७०० रुपैयाँमा कारोबार भएको थियो। चाँदीको भाउ लगातार चार दिन उकालाे लागेकाेमा यसदिन भने घटेको हो ।