संवाददाता, नवलपरासी, १३ असार । उर्जा, जलश्रोत तथा सिंचाई मन्त्री बिराजभक्त श्रेष्ठले पूर्वी नवलपरासीको नारायणी नदी किनारमा भैरहेको तटबन्ध निर्माण कार्यको स्थलगत निरिक्षण गरेका छन्।
गैडाकोट स्थित नारायणी नदी किनारको कुशुमघाटदेखि थुम्सी सम्मको ६ किलोमिटर क्षेत्रमा निर्माणाधिन तटबन्धको निरिक्षण गरेका हुन ।
सिंचाई तथा जलश्रोत ब्यबस्थापन आयोजना भरतपुरका आयोजना प्रमुख डा नारायण सुबदीका अनुसार त्यहाँ भैरहेको कामको भौतिक प्रगति ९५ प्रतिशत सकिएको छ । नारायणी नदीको कटानवाट जोगाउन पूर्वी नवलपरासी तर्फको क्षेत्रमा धमाधम तटबन्ध निर्माणकाे काम भैरहेको छ ।
नवलपरासी र चितवनको सिमा नदी नारायणी हो । चितवन तर्फको नारायणगढदेखि गोलाघाट सम्मको करिब २५ किलोमिटर क्षेत्रमा तटबन्धको काम सकिदा पूर्वी नवलपरासीको नारायणी नदी किनार तर्फ बल्ल करिब ९ किलोमिटर क्षेत्रमा(नारायणी नदीमा) तटबन्धको काम सम्पन्न भएको छ ।
नारायणी नदीको गैडाकोटदेखि त्रिवेणीधामसम्मको करिब ६० किलोमिटर क्षेत्रमा नारायणी नदीको कटान डुबानको जोखिम बढदो छ ।
आयोजना प्रमुख भएर आएका डा नारायण सुबेदीको गत १० महिनाको कार्यकालमा नारायणी नदीमा ४८ प्रतिशत तटबन्ध निर्माण (भौतिक प्रगति) को काम सम्पन्न भएको छ । त्यहि काम गत ७ वर्षको अबधिमा जम्मा ४० प्रतिशत मात्र सम्पन्न भएको थियो ।
तटबन्ध निर्माण स्थलगत निरिक्षणमा आएका मन्त्री बिराजभक्त श्रेष्ठले आयोजना प्रमुख डा नारायण सुबेदीको आक्रमक काम गर्ने शैलीको प्रसंशा गरेको स्थलगत निरिक्षणमा सँगै रहेका पूर्वी नवलपरासीका सांसद मनिष खनालले जानकारी दिए । डा नारायण श्रेष्ठको सिंचाई तथा जलश्रोत ब्यबस्थापन कार्यालय भरतपुरले दैनिक १५ घण्टा भन्दा बढि समय काम गर्ने गरेको पाइएको हो । यो कार्यालय उत्कृष्ट देखियो सांसद मनिष खनालले भने ।
