गन्धर्व सारङ्गी पाठशाला पनि सम्मानित
सोही अवसरमा प्रतिष्ठानद्वारा स्थापित ‘शुभप्रभात काव्यमाला पुरस्कार’ गन्धर्व सारङ्गी पाठशाला, हेमजालाई प्रदान गरिएको छ। उक्त पुरस्कार पाठशालाका संरक्षक समरबहादुर गायकले ग्रहण गरेका थिए।🎙️ कार्यक्रमका प्रमुख भनाइहरू
- कुलपति प्रा. डा. कुशुमाकर न्यौपाने: गण्डकी क्षेत्र साहित्य, कला र संस्कृतिको अनुपम थलो भएको उल्लेख गर्दै प्रतिष्ठान यसको खोज तथा अनुसन्धानमा निरन्तर क्रियाशील रहने बताए। साथै, प्रतिष्ठानको सक्रियतामा भाषा र संस्कृतिका ५० भन्दा बढी ग्रन्थ प्रकाशन गर्ने तयारी भइरहेको जानकारी दिए।
- सम्मानित स्रष्टा बिम्बकवि रमेश श्रेष्ठ: साहित्य र कलाको क्षेत्र विशाल रहेको बताउँदै साहित्यको उर्वरभूमिबाट सम्मानित हुन पाउँदा खुसी लागेको व्यक्त गरे। उनले कला-साहित्यको संरक्षण र विकासमा सबै पक्षको भूमिका महत्त्वपूर्ण हुनेमा जोड दिए।
🎨 स्रष्टा श्रेष्ठको योगदान
नेपाली कविता र कलाका सुप्रसिद्ध प्रतिभा प्राज्ञ रमेश श्रेष्ठ गीत लेखन तथा संस्कृति संरक्षणमा चार दशकदेखि सक्रिय छन्। लोकनृत्य, गाईजात्रा, बाघजात्रा र भैरवनृत्य संरक्षणमा महत्त्वपूर्ण योगदान पुर्याएका उनका दर्जनभन्दा बढी चर्चित कविता कृति प्रकाशित छन्। उनले नेपाल प्रज्ञा-प्रतिष्ठान र नेपाल ललितकला प्रज्ञा-प्रतिष्ठानमा रहेर समेत सेवा गरिसकेका छन्।🗓️ मंसिरमा दोस्रो हेमजा साहित्य महोत्सव हुने
कार्यक्रममा प्रतिष्ठानका परिकल्पनाकार तथा संस्थापक सचिव कोविदशरण उपाध्यायले आगामी मंसिरको पहिलो साता ‘दोस्रो हेमजा साहित्य महोत्सव’ आयोजना गरिने जानकारी दिए। प्रतिष्ठानका अध्यक्ष दिलीप गायकको अध्यक्षतामा सम्पन्न उक्त कार्यक्रममा स्वागत मन्तव्य निवर्तमान अध्यक्ष बलराम पौडेलले दिएका थिए भने सञ्चालन सचिव सोमनाथ गौतमले गरेका थिए। कार्यक्रममा विभिन्न प्राज्ञ, साहित्यिक संस्थाका प्रतिनिधि तथायो खबर पढेर तपाईलाई कस्तो महसुस भयो ?
+1
+1
+1
+1
+1
