आज सुनको भाउ घट्याे, चाँदीकाे बढ्याे

काठमाडौं, २२ मंसिर । साताकाे सुनचाँदीकाे काराेबार हुने तेश्राे दिन मंगलबार नेपाली बजारमा सुनको भाउ घटेको छ। चाँदीकाे भाउ बढेको छ । सुनको भाउ प्रतितोला एक हजार रुपैयाँ घटेको छ । चाँदी भने तोलामा १५ रुपैयाँले बढेको छ ।

नेपाल सुनचाँदी व्यवसायी महासंघका अनुसार सुनको भाउ प्रतितोला २ लाख ५१ हजार ९०० रुपैयाँ कायम भएको छ । साेमबार, सुन प्रतितोला २ लाख ५२ हजार ९०० रुपैयाँमा कारोबार भएको थियो।

यसदिन चाँदीको भाउ तोलामा १५ रुपैयाँले बढेको छ । आज बजारमा चाँदी तोलाको तीन हजार ६०० रुपैयाँमा खरिद बिक्री भइरहेको छ । सोमबार बजारमा चाँदी प्रतितोला तीन हजार ५८५ रुपैयाँमा कारोबार भएको थियो ।