कन्या क्याम्पसलाई क्युएए मान्यता

सबिन रेग्मी , पोखरा २ चैत

पोखरा–३ नदिपुरमा रहेको कन्या क्याम्पसले विश्वविद्यालय अनुदान आयोगबाट गुणस्तर प्रत्यायनकृत (क्युएए)प्रमाणपत्र प्राप्त गरेको छ ।

गण्डकी प्रदेशकै एक मात्र छात्राहरुले अध्ययन गर्ने कन्या क्याम्पसले बिश्वबिद्यालय अनुदान आयोगबाट गुणस्तर प्रत्यायनकृत (क्युएए) प्रमाणपत्र प्राप्त गरेको हो ।

क्याम्पसले उक्त मान्यता २०७६ पौष १४ गते क्यु ए.ए चक्र पुरा गरी गएको फागुन २३ गते प्राप्त गरेको बुधबार क्याम्पसमा आयोजना गरिएको पत्रकार सम्मेलन मार्फत जानकारी दिइएको हो ।

पत्रकार सम्मेलनमा बौल्दै क्याम्पस ब्यबस्थापन समितिका अध्यक्ष शिबलाल मल्लले बिभिन्न कठिन अबस्था तथा संघर्षका बाबजुत क्याम्पसले सो उपलब्धि हाँसिल गरेको बताए । उपलब्धि संगसगैँ अब चुनौति समेत थपिएको उनको भनाई थियो ।

क्याम्पस प्रमुख सुरेश कुमार मानन्धरले प्रमाणपत्र प्राप्त गरेपछि थप हौसला बढेको बताए । आगामी दिनमा क्याम्पसलाई अझ सशक्त रुपमा अगाडि लैजाने उनले प्रतिवद्धता व्यक्त गरे ।

सहायक क्याम्पस प्रमुख चित्रबहादुर श्रेष्ठले क्याम्पसले बजारको आवश्यकता अनुसार आफ्नै पाठ्यक्रमको बिकास गरी नयाँ कार्यक्रमहरु सञ्चालन गर्दै आएको बताए । अब क्याम्पसलाई मानित बिश्वबिद्यालयको रुपमा स्थापित गर्ने योजना रहेको उनले उल्लेख गरे ।

क्युएए प्रमाणपत्र हाँसिल गर्न आयोगले निर्धारण गरेका बिभिन्न १२० सुचकहरुको आधारमा न्युनतम अंक ५० प्रतिशत हासिल गरेपछि मात्र प्रदान गर्ने गरिन्छ । गुणस्तर सुनिश्चितता तथा प्रत्यायन प्रमाणपत्र प्राप्त शैंक्षिक संस्थाले अन्तर्राष्ट्रिय स्तरमा गुणस्तर प्राप्त क्याम्पसको मान्यता प्राप्त गर्ने प्रावधान रहेको छ ।

उक्त क्युएए को प्रमाणपत्रको अबधि ५ बर्षको हुनेछ । अब क्याम्पसले बार्षिकरुपमा यसको लागि प्रतिवेदन पेस गर्दै जानु पर्ने हुन्छ । त्यसले मान्यता पाए सँगै समय थप हुदै जानेछ ।

२०४८ सालमा स्थापना भएको क्याम्पसमा हाल कक्षा ११, १२ स्नातक र स्नाकोत्तर तहका बिभिन्न संकायका कक्षाहरु सञ्चालन हुदै आइरहेका छन् । त्रिबि अन्र्तगतको सामुदायिक क्याम्पसमा हाल ६ सय ७६ छात्राहरु अध्ययनरत रहेका छन् भने कुल ४४ जना प्राध्यापक तथा १२ जना कर्मचारी कार्यरत रहेको क्याम्पस प्रशासनले जनाएको छ ।

 

 

Leave a Reply

Your email address will not be published. Required fields are marked *

Back to top button
LIVE OFFLINE
track image
Loading...