पहिरोका कारण पोखरा बागलुङ सडकखण्ड अवरुद्ध खुल्न एक हप्ता लाग्न सक्ने

पोखरा भदौ १९
कास्की र पर्वतमा बिहीबार र शुक्रबार गएको पहिरोका कारण पोखरा बागलुङ जोडने मुख्य राजमार्ग अवरुद्ध भएको छ ।

भूपी शेरचन राजमार्गमा कतै ठूला पहिरोले पुरिएको छ त कतै बाढीले बगाएको छ । यतिबेला पर्वत, बागलुङ, म्याग्दी, मुस्ताङवासी राजमार्ग भएर आउजाउ गर्न सक्ने अवस्था नरहेको जिल्ला प्रहरी कार्यालय पर्वतले जनाएको छ ।

गत असारमा पर्वतको दोबिल्लामा बाढी, पहिरोले भूपी शेरचन राजमार्गको पर्वत खण्ड हेरिरहेका इन्जिनियरसहित ३ जना बगाएको थियो ।

त्यही अहिले ठूलो पहिरो खसेर पुरै सडक नै बगाएको छ । प्रहरीका अनुसार भूपी शेरचन राजमार्गको पर्वत खण्डमा मात्रै ११ वटा पहिरो खसेका छन् ।

तीमध्ये अधिकांश ठूला र पहाडैसहित खसेका छन् । राजमार्ग खुलाउने पहल भएता पनि ठूला पहिरो भएका कारण खुल्न एक हप्ता लाग्न सक्ने बताइएको छ ।

Related Articles

Leave a Reply

Your email address will not be published. Required fields are marked *

Back to top button
LIVE OFFLINE
track image
Loading...