पोखरा । पोखरा महानगरपालिका बगाले टोल कि अरबिना तामाङ २० वर्ष कि भइन् । पोखरा बहुमुखी क्याम्पस बाट +२ सकेर बसेकी अरबिनालाई भविष्यमा असल शिक्षिका बन्नु छ । अरविनाको रूची भनेको नयाँ नयाँ ठाउँ घुम्नु र नयाँ नयाँ काम गर्नु हो । बगिरहेको खोलाको पानी कहिले फर्कदैन ।
एकफेर पाएको जीबन रमाइलो गरि बिताई एक योग्य व्यक्ति बनेर आफ्नो आमाबाबाको मुहारमा खुशी र उच्च स्थानमा राख्नु नै अरबिनाले वास्तविक जीवनको दर्शन मान्छिन । प्रेरणाको स्रोत सुरुङको अन्त्यमा रहेको उज्यालो किरण जस्तै हो ।जो आफू हराएको बेला तपाईंलाई मार्गदर्शन गर्दछ ।
उनी आफ्नो जीवनको प्रेरणाको श्रोत कोरियोग्राफर र समाजसेवी व्यक्ति राम लामालाई मान्छिन् । मिस तामाङ्ग पोखरामा आएर धेरै साथी बनेको साथै धेरे कुरा सिक्न पाएकोमा उनलाई आनन्द लागेको छ ।
मिस तामाङ पोखराको ग्राण्ड फिनाले माघ १ गते हुने भएको छ । बैदाम तामाङ सेवा समाज पोखराको आयोजनामा हुने प्रतियोगिताको ग्राण्ड फिनाले पोखरा सभागृहमा आँउदो आइतबार हुने भएको समाजका अध्यक्ष ज्याक तामाङ्गले जानकारी दिनुभयो । २८५९ औ सोनाम ल्होसारको अवसरमा आयोजना गरिएको मिस तामाङ पोखराको फाइनलमा १६ सहभागीले प्रतिस्पर्धा गर्नेछन् ।
सातौं संस्करण प्रतियोगितामा लक्ष्मी तामाङ्ग, रेनुका तामाङ्ग, अर्विना तामाङ्ग, जुना तामाङ्ग, निशा तामाङ्ग, विकिता तामाङ्ग, सुप्रिया तामाङ्ग, योगिता तामाङ्ग, आकृति तामाङ्ग, विपना तामाङ्ग, मनिषा तामाङ्ग, जिना तामाङ्ग, सुमित्रा तामाङ्ग, कृतिका तामाङ्ग र रोश्मा तामाङ्ग प्रतियोगीका रुपमा सहभागी छन् ।
प्रतियोगिताको विजेताले नगद १ लाख रुपैयाँ पुरस्कार, ताज, ट्रफी, फस्ट रनरअपले नगद ५० हजार रुपैयाँ सहित ताज, ट्रफी, प्रमाणपत्र प्राप्त गर्नेछन । त्यस्तै सेकेण्ड रनरअपले नगद ३० हजार रुपैयाँ पुरस्कार, ताज, ट्रफी, प्रमाणपत्र हात पार्नेछन् । भ्युवर्स च्वाइसका रुपमा एकजनाले नगद २० हजारले पुरस्कार प्राप्त गर्ने कार्यक्रम संयोजक राम लामाले जानकारी दिए ।
कार्यक्रमबाट बचत रकम लेकसाइडमा समाजले निर्माण गरेको रिन्छिङ तोर्जेत तामाङ शान्ति गुम्बा सहयोगार्थ खर्च गरिने समाजका अध्यक्ष ज्याक तामाङले बताए । ग्राण्ड फिनालेमा कालो चश्मा गीतका चर्चित गायिका तथा कलाकार डोल्मा ह्याल्मोले गीत गाउने छन् । कार्यक्रम गण्डकी प्रदेशको मुख्य मन्त्री खगराज अधिकारीको प्रमुख आतिथ्यतामा हुने आयोजकले जनाएको छ । कलाकार तथा बरिष्ठ पाइलट विजय लामा कार्यक्रमको आकर्षण रहने छ ।
