सभामुखको विषयमा सहमति नजुट्दा प्रतिनिधिसभा बैठक ११ दिनका लागि स्थगित

काठमाडौं १५ पुस । संघीय संसदको सभामुख तोक्ने विषयमा सत्तारुढ दल नेपाल कम्युनिस्ट पार्टी ९नेकपा०भित्र सहमति नजुट्दा प्रतिनिधिसभाको बैठक पुस २७ गतेसम्मका लागि स्थगित गरिएको छ ।

सभामुख चयनको विषयमा सत्तारुढ दलका अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल ९प्रचण्ड०बीच मंगलबार करिब २ घण्टासम्म छलफल चलेको थियो ।

तर, सभामुखको विषयमा दुई नेताबीच सहमति हुन सकेन । सभामुखको विषयमा सहमति जुट्न नसक्दा बुधबार ९पुस १६ गते० बस्ने भनिएको बैठक सूचना टाँस गरी ११ दिनका लागि स्थगित गरिएको हो ।

संघीय संसद सचिवालयका अनुसार प्रतिनिधिसभाको अर्को बैठक पुस २७ गते ९आइतबार० दिउँसो १ बजेका लागि बोलाइएको छ ।

यसअघि पनि पुस ११ गते बस्ने भनिएको प्रतिनिधिसभा बैठक १६ गतेका लागि सारिएको थियो ।

कृष्णबहादुर महरा जबरजस्ती करणी उद्योग ९बलात्कार० प्रयासको अभियोगमा पुर्पक्षका लागि जेल चलाउन भएपछि सभामुख पद खाली भएको हो ।

राष्ट्रपति विद्यादेवी भण्डारीले पुस ४ गतेदेखि संघीय संसदका दुवै सदनको अधिवेशन आह्वान गरेकी थिइन् ।

प्रतिनिधिसभा बैठक पुस ४ गते बसेपनि त्यसपछि निर्धारण गरिएको बैठक सूचना टाँस गरी स्थगित हुँदै आएको छ । खबरहब

Facebook Comments