भारतको महाराष्ट्र र हरियाणा विधानसभा चुनावको मतगणना आज

भारतको महाराष्ट्र र हरियाणा विधानसभा चुनावको मतगणना आज

तस्वीर–पीटीआई

कार्तिक ७, २०७६ /खबरहब/एजेन्सी– भारतको महाराष्ट्र र हरियाणा विधानसभा चुनावको मतगणना शुरु भएको छ । मतगणना शुरु भएसँगै दिउँसोसम्म दुबै राज्यमा कसको सरकार बन्ने छ भन्ने तस्वीर सामुन्ने आउने छ ।

२८८ सदस्यीय महाराष्ट्र विधानसभामा सत्तारुढ बीजेपी–शिवसेना गठबन्धनसँग २१७ सीट छ । यसमा बीजेपीको १४२ र शिवसेनाका ७५ विधायक छन् ।

यसका अलावा राष्ट्रवादी कांग्रेस पार्टी(एनसीपी) सँग २९ र कांग्रेससँग २७ वर्तमान विधान छन् ।

२१ अक्टुबरमा भएको विधानसभा चुनावमा शिवसेनाले १२६ र बीजेपीले १६४ सीटमा आफ्ना उम्मेदवार उठाएका छन् ।

अर्कोतर्फ कांग्रेसले १४७ सीट र उसको सहयोगी एनसीपीले ११ सीटमा उम्मेदवार उठाएको छ ।

त्यस्तै हरियाणा विधानसभाको ९० सीटमा चुनाव भएको थियो । खबरहब/एजेन्सी

Facebook Comments