चितवनमा २ जना चिनियाँ पक्राउ, ह्याकिङमा संलग्न भएको आशंका

भरतपुर १४ पुस । चितवन प्रहरीले साइबर अपराध तथा ह्याकिङमा संलग्न भएको आंशकामा २ जना चिनियाँ नागरिकलाई पक्राउ गरेको छ ।केही दिन अगाडि चितवनको भरतपुरस्थित द फर्न रेसिडेन्सी ९होटेल सिजी०बाट पक्राउ गरिएको जिल्ला प्रहरी कार्यालय चितवनका प्रवक्ता डिएसपी एकनारायण कोइरालाले जानकारी दिए ।डिएसपी कोइरालाले २ जना चिनियाँमाथि अहिले अभद्र व्यवहारको कसुरमा म्याद थप गरी अनुसन्धान भइरहेको जानकारी दिए ।

चितवन प्रहरी स्रोतले भने २ जना चिनियाँले चितवनमा वैदेशिक लगानी भित्र्याउने भन्दै विभिन्न व्यक्तिसँग ‘डिल’ गरिरहेका थिए ।चिनियाँ नागरिकको सम्पर्कमा आएका व्यक्तिले उनीहरुको व्यवहार शंकास्पद लागेपछि प्रहरीलाई खबर गरेका थिए ।

प्रारम्भिक अनुसन्धानको क्रममा उनीहरु साइबर अपराधमा संलग्न भएको संकेत देखिएपछि नियन्त्रणमा लिइएको चितवन प्रहरीका एक अधिकारीले जानकारी दिए ।प्रहरीले अघिल्लो साता मात्रै काठमाडौंबाट १ सय २२ जना चिनियाँ नागरिकलाई पक्राउ गरेको थियो ।नेपालमा बसेर आफ्नै देशविरुद्ध अपराध गरिरहेको अभियोगमा प्रहरीले ठूलो संख्यामा चिनियाँ नागरिक पक्राउ गरेको थियो ।पछिल्लो समय चिनियाँ नागरिकहरु नेपालमा आएर बैंक ह्याकिङलगायतका साइबर अपराधमा संलग्न हुने गरेको देखिएको छ । खबरहब

Facebook Comments